„ადამიანური ინტელექტის მეთოდი“ შექმნილია იმისთვის, რომ პედაგოგებს სასწავლო პროცესის გადააზრებაში დაეხმაროს — ისე, რომ AI-ის დახმარებით შესრულებულ ნამუშევარშიც ხილული დარჩეს მსჯელობა, ცნობისმოყვარეობა და პასუხისმგებლობა.
მეთოდი თბილისში, სამუზეუმო სწავლების თითქმის ათწლიან გამოცდილებაზე დაყრდნობით შეიქმნა.
გამოსცადეთ ეს ერთ გაკვეთილზე
ხუთი მოკლე ეტაპი, რომლებიც ერთ გაკვეთილში თავსდება. პრაქტიკა განკუთვნილია 10–18 წლის მოსწავლეებისთვის და სხვადასხვა საგანს ერგება. არც სასწავლო გეგმის გადაწერაა საჭირო და არც ახალი ინსტრუმენტები — უბრალოდ, სხვაგვარად ვიყენებთ დროს, რომელიც უკვე გვაქვს.
ჩამოტვირთეთ პრაქტიკული სახელმძღვანელო — ერთი გვერდი →ეს არ არის თეორია. ეს სამუზეუმო პრაქტიკაა.
„ადამიანური ინტელექტის მეთოდი“ სწორედ ამ გამოცდილებიდან დაიბადა — იმ ბავშვზე დაკვირვებიდან, რომელიც მბრუნავ დისკზე ბურთულას აგორებს, ცდება, ხელახლა ცდის და მოულოდნელად იგებს იმას, რაც მანამდე საკუთარი შესაძლებლობების მიღმა ეგონა.
ეს არ არის AI-ის გამოყენებაზე საკონსულტაციო პროექტი. ეს არის მეთოდი, რომელიც ეფუძნება იმას, რაც სინამდვილეში ხდება, როცა ბავშვს ვენდობით და დაკვირვების, კითხვების დასმის, ცდისა და დამოუკიდებელი მსჯელობის შესაძლებლობას ვაძლევთ.
ვრცლად სოფიკოს შესახებ →განათლებაში AI-ის გამოყენების შესახებ დისკუსია ორ უკიდურეს და ზედაპირულ პოზიციამდე დავიწროვდა: აკრძალვა ან უპირობო მიღება. ორივე თითქოს პასუხისმგებლიანი მიდგომაა, სინამდვილეში კი — არცერთი.
მთავარი არგუმენტი · სამ ნაწილად
01 · პრობლემა
AI-მ ნამუშევარსა და აზროვნებას შორის ძველი კავშირი გაწყვიტა.
ათწლეულების განმავლობაში მოსწავლის ნამუშევარს მისი აზროვნების ნიშნად ვიღებდით. AI-მ ეს კავშირი გაწყვიტა: დასრულებული ფურცელი ვეღარ გვიჩვენებს, რა მოხდა მოსწავლის გონებაში.
წაიკითხეთ I ნაწილი →02 · მეთოდი
გახადეთ აზროვნება ხილული.
ხუთი პრინციპი პედაგოგებისთვის, რომელთაც სურთ შეაფასონ, როგორ იაზროვნა მოსწავლემ — და არა მხოლოდ ის, რა წერია საბოლოო ნამუშევარში. მეთოდს ახლავს 20-წუთიანი პრაქტიკაც, რომელიც ერთ გაკვეთილში თავსდება და სხვადასხვა საგანს ერგება.
წაიკითხეთ ხუთი პრინციპი →03 · ლაბორატორია
პედაგოგების პირველი სამუშაო წრე.
პირველი ნაკადი თბილისში ყალიბდება და მასში 8–10 პედაგოგი მიიღებს მონაწილეობას. რეალური დავალებები, რეალური მოსწავლეები, რეალური ქეისები. მეთოდს პრაქტიკაში გამოცდის პროცესში ვხვეწავთ.
ლაბორატორიის შესახებ →რას ნახავთ მანიფესტში
მეთოდის ხუთი პრინციპი
პრინციპიდან „ნამუშევარი არ არის თავად აზროვნების აქტი“ პრინციპამდე „მსჯელობის გადაბარება შეუძლებელია“. ერთიანი ჩარჩო, რომელიც პედაგოგებს შეუძლიათ გამოიყენონ უკვე ამ სემესტრშივე და არა მომავალ წელს.
მარი კიურის შესახებ დავალების სრულად გადამუშავებული ვერსია
ერთი დასრულებული პრაქტიკული მაგალითი. ხუთი ეტაპი — AI-მდე, AI-სთან ერთად, AI-ის შემდეგ, საბოლოო ნამუშევარი და ზეპირი დაცვა. ერგება ნებისმიერ საგანს.
20-წუთიანი პრაქტიკა — ნებისმიერი მასწავლებლისთვის
პრაქტიკა, რომელიც თავსდება ერთ გაკვეთილში. მოკლე ვერსია, შექმნილი ჩვეულებრივი სასწავლო დროის ფარგლებში განმეორებითი გამოყენებისთვის.
შვიდი უნარი, რომლებიც ადამიანს უნდა შეუნარჩუნდეს
რომელი უნარების დაცვას ვგულისხმობთ, როცა ვამბობთ, რომ 13 წლის მოზარდს საკუთარი აზროვნება უნდა შეუნარჩუნდეს.
მანიფესტი
სრული მანიფესტი — 29 გვერდი, ერთი პოზიცია, პრაქტიკული მეთოდი პედაგოგებისთვის ხელოვნური ინტელექტის ეპოქაში.